Sehested, Anne BREV TIL: Gøye, Christoffer FRA: Sehested, Anne (1569-06-12)

Preetz12. Juni 1569.
Anne Sehested til Kristoffer Gøje.
Hun har modtaget hans Brev og giver ham efter hans Ønske Besked angaaende et Skifte.

Mynen frunthlyken gruth myth mer, leuer vnd guder, erntwester, besundere, fruntlyke, leue Schrystoffer, frunthlyke, leue moder broder son 2 och leue ohom, bodanckhe ych dych hochlych vnd frunthlych wor fele gudes, dath du my gedan vnd bouyseth hefst vnd nu noch tho aller tyt deyst vnd bouysest, vnd yth ys nycht yn vnser macht, dath wy yth wedder wordenen konen, wen wy auer yth (?) wyssten dy deyst edder wyllen tho donde, wylle wy tho aller tyt gerne don, wath dy leff vnd deynlyk (?) ys. Leue broder, dynen breff hebbe ych enthfangen, vnd alse du wan my begerest, dath ych dy schryuen schal, dath gy yth nycht recht vth mynem breue wornamen hebben, so ys yth de iiij h. march, de schalt du hebben, vnd de eyne h. Yachop vnd de ander Mergrete 3 vnd de bedde myth sampt dem husgerade Mergrete, so hef my Abel gesecht, myn suster 4, de ys noch nycht tho s. 153hus gekamen, vnd de kanne (?) Byryte, vnd dath voftych dath heft sye dy tho ener gedechtnys gegeuen myth den rosennapel, vnd du ualen de dar ynne nit (?) weren, vnd Abel, de junfer de by selyger wor Heylewych was, de hebbe ych myt spraken des breues haluen, so heft se my gesech, dath se nene anderenn breff heft alse dyssen, den Wulf Sture vth geuen heft, dar vth deme breue kone gy wol seyn, by ueme de houet breff ys, dene moth Barte Sture hebben. Hyr myth ych dy got alle mechych bouele myth aller geluchszelyger wolfarth vnd myth weler danch seygynge vnd myth wnnskynge wele gudes nacht. Datum Presze dattum denn ander søndag na helug trefoldughedts sondag ar 1569.

Anne Sestede 1.