Langebek, Jacob BREV TIL: Hiemstierne, Henrik FRA: Langebek, Jacob (1743-01-01)

1. Januar 1743.
TIL HENRIK HENRICHSEN.

Nobilissime et amantissime
Domine Henrichsen.

Cum felici faustoqve novi anni auspicio omnem Tibi felicitatem ex animo apprecor, qvæ digna meritis Tuis prcemia tribuat, qvæ Tibi cumulum gaudii votorumqve omnium complementum adferat et conservet! Sit virtutis Tuæ fortuna comes, viribusqve corporis alacritas animi et vitæ longinqvitas conjuncta! Qvo voto, qvibus precibus, magnum patriæ emolumentum ac splendorem, certissimam propinqvis Tuis et bonis omnibus voluptatem, continuam mihi amicitiam ac favorem ominari, imo polliceri, facilè audeo.

Liber hic, qvam strenæ loco votis adjungo, qvemqve raræ Tuæ ac selectæ Bibliothecæ sacrari cupio, pellibus qvidem exiguis arctatur; Auctoris vero et Interpretis gloria ingens. Nicolaus Hemmingius librum Danice scripsit, Gudbrandus Thorlacius Islandice vertit, ille summus in Dania Theologus, hic magnus in Islandia Episcopus, uterqve apud suos literarum bonarumqve artium princeps institutor, utriusqve in Ecclesiam et Scholas patrias æterna merita, utriusqve nomen a mortalitate adsertum. Accipe in memoriam datoris libellum, eiqve decentem in forulis Tuis locum adsigna, sordidum qvidem et tanto amico indignum munusculum, niece verò rerum conditioni animiqve adfectioni qvodammodo conveniens. A Klevio nostro literas hodie accepi, ille Te plurimum salvere jubet. Vale et fave

I. L.

Havniæ Calendis Ianuariis A. MDCCXLIII.

Til Hr. Secreterer Henrichsen á son logis.

I en Efterskrift anføres den udførlige islandske Titel paa Gudbrand Thorlaksens Oversættelse at N. Hemmingsens „Livsens Vej“.